6. இயேசுவின் மன்னிப்பு எல்லோருக்கும் கிடைக்கும் | தொடரும்…2

ஆன்மிகம் | சிலுவையின் வார்த்தை 01:06 | பிதாவே இவர்களை மன்னியும்.

மன்னிப்பு யாருக்குரியது?

ஒரு கிராமத்தில் சிறுவர்கள் தெருவில் விளையாடிக் கொண்டிருக்கிறார்கள். திடீரென்று யானையின் மணியோசை கேட்கிறது. நம்ம ஊருக்கு யானை வருகிறதென்று எல்லோருக்கும் சந்தோஷம். “யானைவரும் பின்னே, மணியோசை வரும் முன்னே” என்ற வாசகத்திற்கு இணங்க யானையின் மணியோசையைக் கேட்கிறார்கள். ஆனால் யானையை இன்னும் காணவில்லை. ஒரு சிறுவன்,அதோ தெருக்கோடியின் திருப்பத்தில் யானை வருகிறது என்று சொல்லி குதிக்கிறான். எல்லாச் சிறுவர்களும் அவனோடு சேர்ந்து ஆடுகிறார்கள். பெரியவர்கள் எல்லோரும் தங்கள் கைக்குழந்தைகளுடன் தங்கள் வீடுகளுக்கு முன் கூடுகிறார்கள். தேங்காய், பழம், காசு, இவைகளையெல்லாம் யானைக்கு கொடுத்து மகிழ்கிறார்கள். யானை தன் துதிக்கையால் சிறுவர்களைத் தொட்டு ஆசீர்வதிக்கிறது. யானையின் முதுகிலும் சிறுவர்களை உட்கார வைத்து யானைப் பாகன் சிறுவர்களுக்கு விளையாட்டுக் காட்டுகிறான். கரும்பு, தென்னை ஓலை, வாழை மரம் இவைகளையும் யானைக்கு பரிசாக கொடுக்கிறார்கள். யார் என்ன கொடுத்தாலும் யானை தன் துதிக்கையால் வாங்கி தின்னுகிறது.