கர்த்தரின் முகப்பிரகாசம்

இந்த நாளில் தாவீதின் இன்னொரு ஜெபத்தை தியானிக்கப் போகிறோம். ஐந்தாவது சங்கீதத்திலே பதினொரவாது வசனத்திலே இந்த ஜெபத்தை பார்க்கிறோம். உம்மை நம்புகிறவர் யாவரும் சந்தோஷித்து எந்நாளும் தெம்பி நிற்பார்களாக. நீர் அவர்களை காப்பாற்றுவீர் உம்முடைய நாமத்தை நேசிக்கிறவர்கள் உம்மேல் களிக்கூறுவார்களாக. இதை தாவீது மற்றவர்களுக்காக ஜெபிக்கிறான். ஆண்டவரை நம்புகிறவர்களுக்காக ஜெபிக்கிறான்.

விசுவாசத்தோடு கூட ஆண்டவரை நோக்கி இருக்கிற மக்களுக்காக ஜெபிக்கிறான். உம்மை நம்புகிறவர்கள் யாவரும் சந்தோஷப்படுவார்களாக. வானத்தையும் பூமியையும் படைத்த தேவாதி தேவனை நம்புகிற விசுவாசிக்கிற உம்முடைய பிள்ளைகளை நீர் சந்தோஷப்படுத்துவீராக. அவர்கள் எந்நாளும் தெம்பித்து மகிழ வேண்டும்.

தேவனிடத்திலே சென்றால் எனக்கு நன்மைக் கிடைக்கும். கர்த்தர் எழுந்தருளி இருக்கிற பரிசுத்த ஆலயத்திலே கூடி வந்தால் அவருடைய முகப்பிரகாசம் கிடைக்கும் அவர்களுடைய வார்த்தைகளினால் நாம் பலப்படுவோம். அவருடைய வார்த்தை நம்மை சந்தோஷப்படுத்தும் என்று சொல்கிற விசுவாசத்தோடு காணப்படுகிற மக்களை நீர் ஆசிர்வதிக்க வேண்டும் என்று சொல்லி தாவீது மற்றவர்களுக்காக ஜெபிக்கிறான். நீர் அவர்களை காப்பாற்றுவீர். ஆபத்திலே விபத்திலே போராட்டத்திலே நீர் அவர்களை காப்பாற்றுவீர். நீர் இரட்சிக்க கிருபை நிறைந்த கர்த்தர். அவரை நோக்கி கூப்பிடுகிற யாவருக்கும் மனதுருக்கம் கொண்ட ஆண்டவர் என்று சொல்லி அவன் மன்றாடுகிறான்.

உம்முடைய நாமத்தை நேசிக்கிறவர்கள் உம்மேல் களிக்கூறுவார்களாக. உம்முடைய பரிசுத்தமுள்ள நாமத்தை நேசிக்கிறவர். கர்த்தர் பெரியவர். கர்த்தர் சர்வ வல்லமையுள்ளவர். கர்த்தர் நீதியுள்ளவர். கர்த்தர் உண்மையுள்ளவர். கர்த்தர் நம்மை கவனிப்பார், கேட்பார் என்று சொல்கிற நம்பிக்கையோடு கூட கடந்து செல்கிற மக்களை நீர் ஆசிர்வதிப்பராக. களிகூறப்பண்ணுவீராக.

இரக்கமுள்ள ஆண்டவரே! நாங்கள் உம்மை நோக்கி பார்க்கிறோம். நாங்கள் எங்களுக்காக மட்டுமல்ல பிறருக்காகவும் ஜெபிக்க கடமைப்பட்டிருக்கிறோம். மற்றவர்களுக்காக நாங்கள் பாரத்தோடு மன்றாடுகிறோம். நீர் அன்புள்ள ஆண்டவர் உலக இரட்சகர். பாவிகளை நேசிக்க வந்த கர்த்தர். உம்முடைய சமூகத்திலே கூடி வருகிற எல்லோரையும் நீர் கண்ணோக்கிப்பார்த்து நேசித்து அன்புக்கூர்ந்து அவர்களை ஆசிர்வதியும். உம்முடைய தயையுள்ள கரத்தின் நன்மைகளை அவர்களுக்கும் கொடுப்பீராக. அவர்களை சந்தோஷப்படுத்துவீராக. அவர்கள் நமக்கு ஸ்தோத்திரங்கள் ஏறெடுக்க நீர் அருள் செய்வீராக. ஜெபத்தை கேட்கிற கர்த்தர் எங்களுக்கும் இந்த தியான ஜெபத்திலே பங்கேற்று இருக்கிற அனைவருக்கும் வேண்டிய நன்மைகளை கொடுத்து ஆசிர்வதிப்பீராக. ஏசு கிறிஸ்து மூலம் ஜெபிக்கிறோம் நல்ல பிதாவே. ஆமென். ஆமென்.

ஆசிரியர்: போதகர் தேவசகாயம்